《開市Good Morning》香江魚缸爭氣!今日連升第三日,日內最多升過388
點,高見17217點。最終收市升372點,升幅逾兩巴仙,收報17201點,成交更回升
至近千三億銀。不過上試17200點水平後,有無力企得穩先係關鍵。「三頂」突破嘅同時,
孖屐追捧返落後股份,例如聯想(00992)、李寧(02331)同快手(01024)同
衝高,預計仲有幾多追落後空間?今日連二線新經濟股都跑出,資金開始輪動到咩板塊?
今日幾個市場焦點都關AI事,包括今日新市嘅出門問問(02438)原來有個朵,叫做
「港股AIGC第一股」!不過上市首日一度落過去3蚊樓下,即係比上市價3﹒81銀足足低
逾兩成一!新股表現差,轉睇商湯(00020)又點睇?日內升過三成六,夠叻仔啦!不過叻
唔夠半日就暫停交易,話等公司進一步刊登相關公告,事竟係咩事呢?不過單日爆升都唔使咁開
心,以前都試過爆升啦,但好快都調頭向下。「AIGC」即生成式人工智能,點解已成兵家必
爭之地?現時有咩公司已擁有此等技術?
新能源車企價格戰不斷,有大行預計神州新能源車龍頭比亞迪(01211)最多只可減多
一皮,再咁落去最快今年就無錢賺。連龍頭都有頂唔住嘅風險,成行點算呀?內憂外患夾擊,似
乎要加速汰弱留強先可以挽救成個車企行業?
聽日(25日)《開市Good Morning》搵嚟國農證券董事總經理林家亨,同大
家分析上述股份、大市走勢,當然唔少得當日嘅焦點股!歡迎大家提問投資及其他股票問題。記
得準時8:55am,昅實《經濟通》NewsTV直播節目--《開市Good
Morning》喇!或者click入嚟https:╱╱www﹒youtube﹒com
╱watch?v=NjDzKQVrk30打個卡先又得!提提大家,我哋已暫停喺
Facebook直播,一齊集中喺YouTube交流互動,或者去etnet TV睇直播
都得㗎!
【慎防受騙】偽冒《經濟通》投資群組頻現,切勿誤信騙徙,如有疑問,請循官方渠道查詢► 了解詳情