麥當勞昨日(22日)推出兩款晚市碟頭飯和飯卷(麥趣飯和麥飯卷)，連飲品套餐售28蚊，6時甫推出，網友們立即身先士卒試食，並分享食評。可惜，麥趣飯幾乎劣評如潮，不少網友不諱言「中伏」，並謂：「食茶記或波仔好過」，亦有網友認為「要去挑吓機，試下到底有幾難食」。

上圖為麥飯卷，下圖為麥趣飯。(圖片截自麥當勞官方網站)

　　雖然真實產品和廣告所顯示的賣相不同彷彿是「常識」，但是不少網友認為今次麥趣飯的分量實在是細得太誇張，「四十万緒花」表示份量猶如「兒童餐」，他於下午6時21分開Post上載麥趣飯的相，只用4分鐘就食完，他認為「雞唔差，但汁好鹹」，「梨巧」說他「食完兒童餐後，仲要食多個杯麵」；「Siu Siu」認為「如果食唔飽，加個8蚊包，咁唔平得過茶餐廳幾多」。不過，「denden1305」認為「味道唔錯，份量對於女仔黎講又啱啱好」，「Joseph」則建議「分大細size，唔夠食就加底」。

　　至於味道方面，「東方老師」表示「打破了黃麗梅『雞有雞味』的定律」，所點的牛肉似基因改造的雞肉一樣；「AfOrAppLe」則表示「理想同現實都唔算差太遠，但望一望所謂的牛肉，好似熟口熟面，咪平時果時舊漢堡切開黎做餸，都算，飯硬到可以做手握麥壽司」。不少網友形容「可媲美經濟艙飛機餐」，而「小明上天堂」覺得唔錯，「撈埋汁仲好食」。

　　較少網友品評麥飯卷，一般的反應還不錯。

麥牛河不是夢

　　多年前，有網友向參選立法會的中文大學生物化學系客席教授曹宏威問及「點解麥當勞無牛河賣」時，曹博士回應：「你去錯地方」，令網友惡搞研製麥牛河的圖。因此，當麥記連碟頭飯都推出時，不少網友都掛念起多年前的虛擬「麥牛河」，更認為「麥牛河推出不是夢」，並要求麥記要壓軸推出麥牛河。

　　除了牛河之外，網友更發揮一人一創意，幫麥記諗創新食品，節錄包括：麥Buffet、麥燒賣、咕嚕麥樂雞飯、忌廉麥旋風、麥樂雞粥、腐乳批、蒸薯條、麥香撈麵和梅菜蒸豬柳等。