07/07/2026 11:59
《魚缸博客》印度製造變印度洩漏，蘋果最新一代手機資料大公開，華強北快過你！
《魚缸博客》自從蘋果(US.AAPL)宣布將生產地由中國部分遷移到印度，你就知道，出事都係遲早問題。拿！你睇，出事啦。
最新消息，蘋果公司印度核心製造合作伙伴塔塔電子(Tata Electronics)遭到勒索軟件組織「World Leaks」攻擊，超過20萬份、總量約630GB的未公開機密數據被竊取並發布至暗網。 呢份資料入面，除左尚未發布的iPhone 18 Pro機型的組件清單之外，仲有供應商名單，蘋果研發多年自家的Modem晶片技術亦首度曝光。
呢件事就精彩啦，首先就係供應商名單，原本蘋果對於每一間供應商都係私下保密，即係供應商與供應商之間本身係唔知道大家幫蘋果出幾多貨、幾多錢出俾佢；呢下好啦，今次大家都知道大家存在，供應商可以集體聯合起來，對抗蘋果，甚至可以一齊聯合定價，反正唔會再俾蘋果賺到盡。
另一方面，iPhone 18機型大公開，零件點擺點砌一目了然，連A20 Pro晶片個IC設計點畫都SHOW埋俾你睇，呢下華強北仲唔發圍？唔使等到九月，華強北就可以發布新一代iPhone 18，比蘋果官方更早！（不過唔係正版，無人會幫你回收，你咪當山寨機咁用），連配件都可以整定，等蘋果食唔到頭啖湯。
蘋果係中國做手機咁多年，邊有出過事，某程度都係因為中國管制嚴格；轉左去印度只係幾年，就已經洩漏630GB數據，再做多幾年，你點知會發生咩呢？呵呵。
《編者按》本欄搜羅即市傳聞，惟消息未經證實，《經濟通》亦不保證內容之準確性。
最新消息，蘋果公司印度核心製造合作伙伴塔塔電子(Tata Electronics)遭到勒索軟件組織「World Leaks」攻擊，超過20萬份、總量約630GB的未公開機密數據被竊取並發布至暗網。 呢份資料入面，除左尚未發布的iPhone 18 Pro機型的組件清單之外，仲有供應商名單，蘋果研發多年自家的Modem晶片技術亦首度曝光。
呢件事就精彩啦，首先就係供應商名單，原本蘋果對於每一間供應商都係私下保密，即係供應商與供應商之間本身係唔知道大家幫蘋果出幾多貨、幾多錢出俾佢；呢下好啦，今次大家都知道大家存在，供應商可以集體聯合起來，對抗蘋果，甚至可以一齊聯合定價，反正唔會再俾蘋果賺到盡。
另一方面，iPhone 18機型大公開，零件點擺點砌一目了然，連A20 Pro晶片個IC設計點畫都SHOW埋俾你睇，呢下華強北仲唔發圍？唔使等到九月，華強北就可以發布新一代iPhone 18，比蘋果官方更早！（不過唔係正版，無人會幫你回收，你咪當山寨機咁用），連配件都可以整定，等蘋果食唔到頭啖湯。
蘋果係中國做手機咁多年，邊有出過事，某程度都係因為中國管制嚴格；轉左去印度只係幾年，就已經洩漏630GB數據，再做多幾年，你點知會發生咩呢？呵呵。
《編者按》本欄搜羅即市傳聞，惟消息未經證實，《經濟通》亦不保證內容之準確性。