25/06/2026 11:59
《魚缸博客》港股又跌到兩萬三，唔怪得個個轉場玩美股
《魚缸博客》博客走去問班有投資嘅後生，而家買咩股份多，十個有九個都係走去買美股，話港股都係「水人」、「白花油味」、「唔會贏到錢」。
咁又難怪，你睇下恒指只係短短一個月，就由兩萬六跌到去兩萬三，買咩跌咩；新股市場係依然旺盛，但好多股份短短半年股價就蒸發九成，好似隻樂摩科技(02539)，上市幾日炒到上$85，而家得$7.15；上個月上市嘅拓璞數控(07688)，上市一度炒高$41.18，而家剩返$25.78。
近嘅唔講，講遠少少，隻老舖黃金(06181)舊年呢個時候炒上$1108，一年後得373蚊，金價都無跌七成，佢就反而跌七成，真係嚇破膽。
睇返美股，AI、芯片暫時都係向上，炒完英偉達炒美光，今日美光盤後仲升緊15%，年初至今美光已經升咗四五倍，要財自只要有定力就得；而家個個走去炒Space X，發緊太空夢，但有夢想就有故事，有故事就有炒作，雖然係高位碌咗落來，但大家都期待緊入納指。
究竟係股市放棄咗年輕人，定係年輕人放棄咗股市，呢個命題真係好哲學；不過投資者都係逐利，邊到賺到錢就去邊到，但如果香港市場仲係呢種玩法，香港股票市場真係變成老人院，到時候後生仔睇都唔睇一眼，就出事了。
《編者按》本欄搜羅即市傳聞，惟消息未經證實，《經濟通》亦不保證內容之準確性。
咁又難怪，你睇下恒指只係短短一個月，就由兩萬六跌到去兩萬三，買咩跌咩；新股市場係依然旺盛，但好多股份短短半年股價就蒸發九成，好似隻樂摩科技(02539)，上市幾日炒到上$85，而家得$7.15；上個月上市嘅拓璞數控(07688)，上市一度炒高$41.18，而家剩返$25.78。
近嘅唔講，講遠少少，隻老舖黃金(06181)舊年呢個時候炒上$1108，一年後得373蚊，金價都無跌七成，佢就反而跌七成，真係嚇破膽。
睇返美股，AI、芯片暫時都係向上，炒完英偉達炒美光，今日美光盤後仲升緊15%，年初至今美光已經升咗四五倍，要財自只要有定力就得；而家個個走去炒Space X，發緊太空夢，但有夢想就有故事，有故事就有炒作，雖然係高位碌咗落來，但大家都期待緊入納指。
究竟係股市放棄咗年輕人，定係年輕人放棄咗股市，呢個命題真係好哲學；不過投資者都係逐利，邊到賺到錢就去邊到，但如果香港市場仲係呢種玩法，香港股票市場真係變成老人院，到時候後生仔睇都唔睇一眼，就出事了。
《編者按》本欄搜羅即市傳聞，惟消息未經證實，《經濟通》亦不保證內容之準確性。