【晴報專訊】黎明（Leon）近日以明福俠名義接拍廣告，以文質彬彬造型揮拳擊走惡菌，短片更以「倒拍」手法玩轉觀眾，硬銷健康飲品。不少網友驚嘆黎天王緊貼潮流夠貼地；有觀眾則暗寸他走得太前唔吸引！

　　明福俠雖然在九月初聲稱即將告別黎明官方FB，但這個虛構人物卻繼續與樂迷玩到盡，以明福俠而非黎明名義接拍健康飲品廣告。貴為黎天王的明福俠，今次放棄深入民心的「蝙蝠俠」造型登場，改以西裝骨骨的才俊Look現身辦公室，不過，依然靚仔的黎明面對惡菌並不手軟，拳拳到肉為一班男職員及OL擊退病菌。

「倒拍」變真蝙蝠

明福俠的新廣告以「倒轉」方式拍攝，無論講對白或動作都要倒轉做，但對黎明來說完全無難度。

廣告片：

　　今次廣告最大亮點是以「倒拍」方式拍攝，他發布官方FB的文字介紹亦將英文字倒轉，其海報及街邊宣傳牌中，明福俠亦是倒吊示人，如同真蝙蝠一樣。

　　事實上，明福俠在短片中講對白及動作皆倒轉做，更選擇在結尾的彩蛋揭盅，成功吸引觀眾眼球。廣告片於前日下午在黎明官方專頁發布，一夜間已在FB洗版。不少粉絲高呼明福俠好鬼馬，加上拍攝手法創新，忍不住一睇再睇；另一方面，有人卻聲稱睇唔明，對這種嶄新模式感到難以理解。

黎明一拳一拳為同事趕走病魔，有網民形容他像「原振俠」一樣咁打得。