【小編大戰攝影師】玩轉AIA嘉年華2018！精選必玩機動遊戲＋攤位試玩攻略

機動遊戲篇

 

1. 360度高速飛轉的「Mach5」

 

　　全場最刺激的機動遊戲必數「Mach5」，以時速高達110公里不停360度旋轉，高速地將你不斷拋上高空重覆旋轉，離心力強勁，往年經已被封為「最玩命系列」！小編形容為「來回地獄又折返人間」，只敢遠觀腳軟。膽識過人的你，絕對不能錯過！

 

 

 

所需代幣：6個（$60/次）

驚嚇度：★★★★★

 

2. AtmosFear　

 

　　絕對稱得上係大驚嚇！十六個座位會作三百六十度旋轉，更會上下不停擺動，到時將會完全失去重心，帶來失重感覺，擺動的最高點達到二十四米，驚嚇程度爆哂分，少點心血都玩不了！

 

 

所需代幣：6個

驚嚇度：★★★★★

 

3. CrashTest過山車

 

　　一卡四座的過山車最適合成班朋友一齊挑戰，經歷一連串的上斜落斜，來回加減速轉向，更會有倒後的路段，感覺就好似被人拉扯掟來掟去一樣，相當刺激！

 

 

驚嚇度：★★★★☆

 

4. 青蛙氹氹轉

 

　　隨著音樂節拍上下擺動，轉速很快，嚇到你心離一離！

 

 

驚嚇度：★★★☆☆

 

5. Dumbo小飛象

 

　　自問不是膽識過人的你，一樣有機動遊戲啱玩，這款沒有離心力，純粹看盡嘉年華園內靚景以及維港景色的，或許都是一個不錯的選擇！

 

 

驚嚇度：★☆☆☆☆

 

攤位遊戲篇

 

　　去得AIA，除了玩機動遊戲外，當然仲要大玩攤位遊戲贏公仔啦！雖然今年的攤位類型與往年大致相同，但小編就覺得今年的毛公仔吸引好多，包括米奇米妮、《侏羅紀世界》、《迷你兵團》、《銀河守護隊》等等。話就話有100萬隻比你帶返屋企，不過前題係：你贏到先算啦！

 

　　小編為大家精選了幾個較吸引的攤位遊戲，還總結了贏公仔攻略，快啲學返幾招啦！

 

1. 釣魚大師

 

 

難度：★☆☆☆☆

公仔吸引度：★★☆☆☆（彩色的動物公仔）

所需代幣：2（4次機會）

玩法：以釣竿釣魚，但每次只可釣四條，而且有時間限制。每條魚都有不同分數，只要釣夠4分就可以有細獎啦！

小Tips：因為限時關係，最好就一次過釣兩條魚，有花紋嘅魚係高分啲㗎！

 

2. 乒乓球入洞

 

 

玩法：將乒乓球滾入0-4分數字格內，4個乒乓球加埋有4分就有獎啦

難度：★★★★☆

所需代幣：2（4次機會）

獎品吸引度：★★★★★ （係迪士尼Tsum Tsum公仔啊！！！）

 

好多Tsum Tsum啊！

 

小Tips：只要在中間位置細力推出乒乓球，盡量保持直線。

 

3. 牛奶樽

 

攝影師為咗贏，完全係不擇手段！！！

 

難度：★★★★☆ 

公仔吸引度：★★★☆☆（小飛象）

 

 

所需代幣：2（4次機會）

玩法：將球拋進牛奶樽內，拋入一、兩球就有細獎。不過樽口較細，要入都有點難度。

小Tips：要用小小陰力，描準，再射出去。（其實都係靠彩數……）

 

4. 迷你圈圈有獎

 

究竟，邊個會成功套入呢？

 

難易度：★★★★☆

公仔吸引度：★★★★☆（不同顏色的Care Bears都幾cute!!!）

 

套中一個就有迷你版Care Bears

 

所需代幣：2（4次機會）

玩法：以呼拉圈套住公仔所在位置，四個圈套中一個有中獎，套中三個就有特獎。

小Tips：因為要呼拉圈完全平放在桌面上才叫「套入」，建議由上而下拋會比較易中。

 

5. 杯中物語

 

 

難易度：★★★★★

公仔吸引度：★★★★★（係好大隻嘅大眼仔/毛毛啊！）

所需代幣：2（4次機會）

玩法：將白色波拋進有顏色的杯子中就有獎了，而獎品的大細就視呼你拋進那個顏色的杯。

小Tips：由此這個遊戲極難，資深小編玩咗4年都未試過中獎……所以，小Tips是：不要浪費金錢玩這個了。

 

AIA友邦歐陸嘉年華2018

門票：$50（成人門票）／$130（成人門票、包10個電子代幣）；$50（小童門票）／$90（小童門票、包7個電子代幣）

日期：14/12/2018-17/2/2019

地址：中環海濱活動空間

網址：www.tgec.asia