網民籲罷睇王晶戲 王晶稱不擔心票房

　　適逢王晶的賀歲電影《賭城風雲3》即將上畫，對於他過往的言論，網友呼籲全港觀眾罷睇。在《賭城風雲3》未正式上演之前，網上率先有標語創作行動，提醒市民罷睇王晶。

　　早前導演王晶於TVB節目《網絡挑機》中，反問 YouTuber「賺唔賺到錢，買唔買到樓？」引來不少年青人的不滿，英菲混血兒 YouTuber Asha Cuthbert 更批評王晶硬銷的「成功」不能代表全部人。 

（截圖自網絡影片《DEAR TVB》)

　　及後王晶於微博還擊，表示「我20歲成名，22歳買樓，25歳做導演，紅足四十年，今年賭城風雲2收十億人民幣，拿了三十年最賣座香港導演獎。我喜歡做的事全部成功。你哋唔喜歡買樓可以繼續瞓帳幕！吹得我漲咩？」

　　香港網民呼籲杯葛罷睇，王晶作出回應，「唉，總會有呢啲人。依家香港已經係一個嚴重分裂嘅社會。鍾意咪睇，唔鍾意都冇所謂。」問及會否擔心事件影響票房，王晶表示「香港嘅票房係內地嘅1/25，你話我會唔會擔心吖？舊年咪仲多人話唔睇我部戲，結果我咪又係第一！」

（截圖自　王晶微博)

　　網友Vivian Wong表示「無錯，香港嘅票房係內地25分1，既然咁，唔好係香港上啦，我哋都唔恨！」網友Andy Wong指「他的電影不是做給香港人看的。那我們不看也罷。」

　　網友Sana Siu表示「我鍾意發哥，我敬佩劉華，我知學友好少拍戲，但係要俾錢王晶賺，真係過唔到自己嗰關喎！」網友Jaymee Jovy Ng坦言「套戲就算收得，都唔關佢事啦，根本係卡士問題，佢試吓唔搵「香港」大明星去做，睇吓仲有冇咁把炮。」

　　網友Jennifer慨嘆「比啲骨氣喇香港人！羨慕台灣人反黃安，但見到王晶免費飛就狗衝！自取其辱係四個字！」「香港人你仲有無底線？畀人踩到上心口嬲都唔嬲？」「送畀我都唔睇！你班港豬有骨氣啲啦好唔好？」

戲院的賣票情況

　　但亦網友Antony表示「一個正常電影市場當然會有正片有爛片，有咩好杯葛呀，話要杯葛同一齊杯葛嘅人睇落好英雄，實質矯枉過正。首先，你可以選擇唔睇，唔使講到杯葛，其次，覺得好唔好睇係你同我嘅自由，唔係咩大是大非，你係我邊個？有理由呼籲我唔睇佢啲戲？」

　　網友Kelvin Li亦認為「認真到時票房都唔會差得去邊！」