新一代抽水神器　Snickers廣告玩盡政客藝人

　　剛過去的周末，社交網站瘋傳Snickers的「秒殺飢餓」的系列廣告，廣告玩盡政客藝人，把他們的經典講錯嘢金句，引用在廣告上成為其「肚餓語錄」，並於下款註明「十做九錯，全因肚餓？！」，去宣傳這款美國品牌的零食。網友們大讚廣告公司和Snickers有Nuts又夠Guts，有網友更揚言要買產品支持下，亦有人不滿「肚餓語錄」的內容太少，故創作一系列的句子，與眾同樂。這款廣告是繼「幸福藥業」的獅子山精神的廣告，大賣本土性，又得網友力讚的廣告作品。

 

 

　　今次廣告引用了陳豪的「同朕Check吓，各地各省仲有冇人欠稅」；鍾樹根的「Same！ Same on You」，唐英年的「捍衛核心價值，係最核心嘅核心價值！」；陳克勤的「Try my Breast」，董建華的「貴姓呀，陳生？」，以及連詩雅的「Rest in Piece」。Jack Sze更製作了一段短片，把「肚餓語錄」配以語錄的原片段，詳情可見文末，Mskekekee表示「真係抽到東江水都無曬」。

 

　　不少網友大讚廣告，Benson認為「試問有幾多牌子的廣告夠膽咁做？風險好大」，廣告狂人表示「成個廣告抽得好應，個客又肯畀Agency抽政治水，有膽識！」；亞馬記認為「本土呢個idea陸續被發現可以拎黎做marketing」；Iris Tsang感嘆地說：「香港人真係好無奈，要走嘅佢偏係賴死唔走，一個抽水廣告就可以開心一陣！」另一方面，有網友認為廣告太過抽水，Chung表示：「有幾出奇呀，有誰沒試過說錯話，打錯字？」

 

　　瘋傳的廣告牌除了以上所說的6句金句外，更有不少網友自創的抽水語錄，並配以Snickers廣告的設計背景，幾可亂真。原來是有網友自己編寫程式，於網上建立了《Sinckers》抽水器，讓網友們可以製作自己的「肚餓語錄」。

 

　　網友們就城中大小事製作了「肚餓語錄」，現在有篩選地分享給大家。

 

•  2017，骨同你執

 

• 犯咗法又點喎？！

 

• 淘寶上沒有假貨

 

• 朱古力都做假嘅國家，你想普選係真？

 

• 689做到特首係土地供應的問題

 

• 市民可能要等多班車

 

• 聽我講埋！講完！

 

• 嘩！好犀利啊！點解嘅？

 

• 你當我是龍蝦吧

 

• 我朝早唔會空肚食早餐

 

• 飲東江水要識感恩呀你哋

 

　　

　　是次廣告獲網友們瘋狂抽水，黃世澤表示：「大家抽得咁開心，其實係反映市民的怨憤有幾大」。

 

SNICKERS 最新抽水廣告：肚餓語錄