劉鳴煒教年青人買樓　網友狠批：離地離到上太空

　　香港樓價高企，如何「上車」，成為了每一個香港人關心的話題。不少人對今生今世能否上到車，抱有絕望的心態，而新任青年事務委員會主席、華人置業公司大股東劉鑾雄的公子劉鳴煒接受網台Goyeah.com訪問，就教青年人買樓，其言論遭到一眾網友鬧，認為他離地離到上太空，而且作為富二代，是「成功需父幹」，完全沒有說服力。

　　劉鳴煒被問及年輕人買樓的問題，他認為年青人要踏出儲蓄的第一步，他問青年人「願唔願意犧牲，睇少啲戲、去少啲日本？」，並把錢慳下來儲首期，否則「樓價跌幾多都無用」。他亦批評青年人「認為樓價高，買唔起樓就唔駛儲錢」的態度不正確。

　　言論惹來網友們的反感，反感分為兩個層面，一個是言論本身，另一個是劉鳴煒的身份。Wilczak認為「依家樓價貴到完全唔合理，升幅根本超過通漲，人工又加咁少，學佢咁講，有首期，但要點生活先供得斷？」；西野家內認為言論的意思是「窮人唔准有任何娛樂，要做死一世樓奴」；亦有網友質疑做樓奴的人生意義。

　　半支煙就為此計了一條數，「一個月儲$3000，做夠100年就有360萬，到時上車盤應該去到3600萬，咁再做多900年就差不多買到樓」。Doreen更認為「未上到已經要買骨灰龕，仲使乜買樓」。

　　另一個爭議點是劉公子的身份，不少網友認為他的論點沒有錯，錯就錯在是富二代，完美演繹富二代「成功需父幹」的離地觀點，並假若如果他能夠和父親脫離關係後，再憑自己的努力去買樓，就能印證他的觀點。西人姬重耳認為「地產佬講呢啲真係無說服力」，Hfai認為「講乜都假，最緊要識投胎」。

劉鳴煒專訪(談及樓價)片段: