外母要38萬禮金　係咪獅子開大口？

　　結婚，牽涉到不少錢銀的糾紛，好彩的個案就可以完美解決，開開心心地結婚，不幸的，可以會令到人際關係受損，甚至結不成婚。

　　網友kin.luk於討論區來大吐苦水，他表示已用一枚8萬幾的鑽戒、999枝玫瑰，加上深情一跪求婚，並已得到女友的答應。然而，身為單親媽媽的未來外母則要求38萬禮金，付不起就不肯嫁女。kin.luk表示自己一方面沒有38萬，假設有都希望用來付首期及婚禮的費用。其外母表明假若女兒堅持下嫁，便斷絕母女關係。事情惹來網友們的熱烈討論，爭論誰對誰錯，他們更獻計，讓kin.luk能順利解決38萬禮金事件。　　

　　撐外母的網友應該她的要求合理，palmaxpc認為「香港哋公價養仔女到18歲要400萬，唔要你咁多算唔錯」；有網友批評主角充「大頭鬼」，epiphone5則認為個男仔肯花一大筆錢去求婚，外母以為個男仔有錢，開這個價是合理的。脫褲濟貧認為當事人唔識諗，「禮金係用黎買嫁妝，出得起，對龍鳳鈪厚過巨無霸」。

　　另一方面，有網友認為外母「獅子開大口」，Mogor認為「個阿媽由養個女果刻開始就諗住利用個女賺錢」，Lyin形容此為「賣女」的行為，認為「做父母應該係想仔女搵到個真心錫佢的人」，SPSS_169.0直斥外母不智，原因是現在要38萬禮金，「結咗婚仲唔洗盡你個女，個女以後要睇男家面色做人」。Wilczak認為「唔好提錢，以後可以拉下關係，提的，就當賣咗佢同個女不相往來」。

　　誰對誰錯，kin.luk仍是要面對此困境，究竟如何解決事情才好？網友們有以下的建議，包括向外母申請分期、搵調解員、搞大女友個肚、付38萬日元、讓雙方家長去洽談禮金的價錢、真誠地同外母講：「果38萬是諗住買樓，不需要讓你女兒捱窮」、保證婚後會養埋外母、不要結婚和問女友借錢等。