性本善還是性本惡？拗了幾千年，仍未有定論。從來覺得，人性之中有善有惡，簡單用二元分類將一個人歸邊，並不公道。只是，人格呢樣嘢，覺得好似考試咁，考A難（我知我知，現在是5**嘛），考U更難！

　　做不到100分、廿四孝的頂級善人，點先可以做到人見人罵、稱得上全民心目中的U級賤人？「賤嘅定義，可以好廣」。同意架，好彩現實生活有真人版「賤男」標本睇，將人性至「賤」的一面完美表現。

Photo: ViuTV

　　近日某男藝人上節目談人性黑暗面、賤格的議題，最終爆粗發脾氣收場。有觀眾直言對節目公審反感，替某男藝人不值，也有觀眾笑言他「直情用生命演活呢個賤人角色」。無論大家對某男藝人觀感如何，如遇以下4個特徵的人，千萬唔好戀戰，奉勸大家用「走夾唔抖」嘅光速離開，切勿以生命印證人性，早走早著！