绿在屯门｜森活乐章嘉年华

活动简介

而家春暖花开系行山郊游嘅好季节大家有冇去郊野公园欣赏大自然景色呢？原来香港有百分之四十嘅土地被划定为郊野公园及特别地区，作为保护稀有及濒危物种嘅生境藉此维持生物多样性。

物种数量减少同我哋生活息息相关，每一次物种嘅消失，唔只系一种生命从地球上被永远抹去，更系生态网络上一道裂痕，影响整个生态系统，因此，维持生物多样性系我哋人类共同嘅责任~

今个5月份「绿在屯门」以「国际生物多样性日」作为主题，为大家准备咗一连两日嘅 #森活乐章嘉年华，同大家分享生物多样性嘅重要性，以及如何保护自然环境，体会人与大自然共生共愈嘅连结，携手创造一个更宜居嘅环境。事不宜迟，等小编简介一下当日有咩活动啦~

当日嘉年华活动十分丰富，分别有 #生态绿悠游展览，介绍香港嘅动植物资源同郊游小贴士，仲有 #寻牛记 同 #免费二手市集，寻宝之余一齐推动资源重用～仲有益智又好玩嘅摊位游戏，考验你对森林以及环保嘅认识，玩完仲有丰富奖品等紧你拎走！当然唔少得大人细路都超钟意嘅 #升级再造 #环保工作坊，齐齐发挥小宇宙，动动手将废物重新利用！

小编喺度提提你，而家参加嘉年华仲可以储分换礼物㗎！只要于一场嘉年华中参与最少两项活动；或于一场二手物收集活动中提交不少于2公斤二手物，并即场与当值职员完成登记，即可获得1分「额外赏」积分，每阶段累积满2分「额外赏」积分，即可换领礼品。

玩得开心，又可以储分换礼物，快啲Mark低以下日子，到时见喇！