2020-12-22Text: Ariel Chan, Yan Law, Yoko Cheung

【聖誕開餐】Last Call！8個聖誕外賣提議！把歐陸菜、燒和牛、火鍋、自助餐帶回家！

#聖誕大餐 #外賣 #西餐 #燒肉 #素食 #自助餐 #火雞 #自煮套餐 #火鍋 #薑母鴨鍋 #牛骨鍋 #肉類 #2020xmas #2020xmasdining

7. 外賣自取6折優惠！精緻韓式素菜：土生花

　　韓國飲食在香港如此受歡迎，過節、開party怎能缺少？炸雞、辣炒年糕、韓燒等韓食雖然美味，但聖誕假期每天都大魚大肉，容易飽飽滯滯，不如將其中一餐轉為韓式素菜，以新鮮蔬食慰藉腸胃！

　　韓食吃得多，韓式素食大概是第一次吧！位於K11 MUSEA的「土生花」與「中式齋」大不同，烹調時著重食材本貌，以無添加的方式帶出食物鮮味。全部菜式不以五辛入饌，無論是一般食客抑或純素者都啱食。近期餐廳就推出限時外賣自取六折優惠，晚上六時至八時供應，連招牌菜都適用，即睇有咩推介！

　　「甜酸酥炸菇菌」是土生花的招牌菜之一，做法與「咕嚕肉」相近，將時令菇菌炸至酥脆，再以韓式甜辣醬翻炒至入味，入口嘗到甜酸滋味間滲出些微辛辣，伴飯吃尤其開胃！「韓式粉絲雜菜腐皮福袋」選用韓國厚身腐皮包入豐富蔬食餡料，包括韓式粉絲、菇菌、芫荽及時令雜菜，福袋下還有以獨門醬汁炆至軟腍的白蘿蔔，整道菜味道清新、口感豐富。主食方面就有常見的「韓式泡菜炒飯」，主角泡菜由餐廳自行醃製，因走五辛，泡菜味道更為簡潔清甜，而米飯就加入仙人掌粉染上鮮黃，賣相吸引！無論吃甚麼料理，最後都一定要以甜品作結才算圓滿。土生花的甜品盡顯韓國特色，今次的優惠就適用於選用時令食材的「自家製純素班戟配人蔘糖漿」和「傳統韓國米糕拼焦糖栗子」，尤其迎合冬日氣氛！

甜酸酥炸菇菌 $258

（圖片由土生花提供）

韓式粉絲雜菜腐皮福袋 $258

（圖片由土生花提供）

韓式泡菜炒飯 $198

（圖片由土生花提供）

土生花外賣自取六折優惠

日期：即日起至另行通知

時間：6pm-8pm

地址：尖沙咀梳士巴利道18 號K11 MUSEA 7 樓704 號舖

電話：2389 9588

註：

1. 優惠只適用於外賣自取。

2. 外賣由12nn至8pm供應，外賣自取優惠僅限6pm-8pm

3. 食客可致電2389 9588下單或私訊土生花Facebook

8. Happy Share最啱！抵吃精緻歐陸小吃：hEAT

　　人少少開派對，食物最好分量小小，款式多多！今個聖誕本身想到位於灣仔的西歐陸餐廳hEAT開餐，一來這裏的牛扒做得講究，二來假日免收開瓶費，很划算。幸好疫情下餐廳推出外賣節日餐單，十多款菜式依然做得精緻，包攬沙律、海鮮、pasta與小食，而且大部分都不過$200，可以點齊咁多款Happy share！

　　朋友正進行生酮飲食keep fit，沙律我會選Tex-mex Protein Bowl，內有炸雞、Mozzarella cheese、藜麥、雞心豆、甜粟米，配上墨西哥醬汁，超級豐富惹味！吞拿魚他他也是我的心水，粒粒吞拿魚混合牛油果醬，口感柔滑，以柚子汁和陳醋點綴，味道更有層次。

（圖片由hEAT提供）

Tex-mex Protein Bowl $138

Tuna Tar Tar $138

　　海鮮呢？必食XO醬烤大虎蝦，大廚特別以XO醬、白酒和牛油炮製虎蝦，虎蝦入口香辣惹味，西菜中造好特別！要飽肚的，可以點新鮮番茄八爪魚扁麵，但我更愛Dry Aged Beef Risotto，以Cedar River prime級肉眼炮製，每粒risotto都裹著牛肉香，好味！當然，sharing party不少得一系列香口炸物，好像炸番薯條、Nachos、Fried Brie Cheese、Buffalo Wings等等。