有不少評論員話今年樓市一定會下跌，理由很簡單，就是英國政府預計今年會有12-15萬香港人用BNO移民去英國，會有3.5萬個單位出售，足夠香港兩年供應量，面對如此龐大供應量，樓市又怎會不跌到嘔？我唔用任何理由，只是問那些評論員，如果沒有12-15萬人用BNO離開，樓市會不會跌到嘔？有人話這個機會很低，不用討論。

　　美聯最近做了一個調查，認為用BNO移民離開的大約只有2萬，與英方的估計甚遠，如果美聯做的調查是準確，代表離開的人不多，住宅單位的供應量亦不多，打算賣樓的人都唔敢放售，打算買樓的人就會加多兩錢肉緊，在此消彼長下，我恐怕樓市唔係跌到嘔，而是升到嘔。

　　BNO計劃失效，結果是令樓市急升，我相信那些評論員唔明白，點解揸住BNO都唔走，令他們失了預算，其實，只不過是講就容易，做就困難的實例，話移民不但沒有成本，又可以高人一等，但真正要移民，又唔係有咁多人用行動來支持，不過，英國政府未必會失望，甚至會話已經預測到結果，現在推出BNO計劃救香港人，以後唔好話英國唔照顧昔日子民。

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

【你點睇？】美國總統大選在即，你認為誰將最終當選？► 立即投票