嫁拍拖8年攝影師 蔡穎恩獲陳嘉寶加持「好孕氣」

　　【晴報專訊】31歲模特兒蔡穎恩（Evelyn）前日與電影攝影師譚運佳結婚，結束八年愛情長跑，可喜可賀。一對新人前日在維港美景下簽字結為夫婦，新娘子全程露出幸福笑容，反而新郎一度感動哽咽，場面溫馨；正懷有第三胎的好姊妹陳嘉寶（Anjaylia）則挺住巨肚到賀，更特別傳授「好孕氣」給Evelyn，寓意祝她年生貴子，令Evelyn感動不已。

 

 

　　Evelyn和譚運佳的婚禮在金鐘某酒店的戶外花園舉行，雙方家長和親友約50人出席。Evelyn穿上一襲簡約吊帶婚紗，由爸爸帶領進場；到晚上酒會時，她換上另一套復古婚紗，感覺清新而不失華麗。圈中好友Anjaylia、彭秀慧、葉宇澄等都有出席婚禮，當中樂隊RubberBand主音6號、ToNick主音恆仔、野佬的小胡、周國賢等，亦輪住上台為一對新人獻唱；至於Anjaylia的大女Hosanna更擔任小花女，活潑可愛。

 

身穿紅裙的Evelyn，與老公跪地斟茶給父母。

 

冧讚老公靚仔有型

 

Evelyn和老公譚運佳攜手步入人生新一頁。

Evelyn和老公三度甜蜜咀嘴。

 

　　一對新人宣讀誓詞及交換結婚戒指，Evelyn全程笑得甜絲絲，老公卻一度感動哽咽，非常感性。在親友熱情的掌聲和歡呼聲下，他們三度深情咀嘴，Evelyn大讚老公好靚仔︰「我好驚喜佢今日（前日）呢個look，佢平時好少gel起晒啲頭髮，真係好有型，但我唔會再畀佢gel起頭髮，咁靚仔，畀其他女仔見到點算呀！」氹得老公笑逐顏開。不過，譚運佳在籌備婚禮期間要離港工作超過八個月，所以婚禮交由Evelyn張羅。至於生B計劃？譚運佳坦言自己和太太都很喜歡小朋友，但希望一切順其自然；對於在婚禮上流男兒淚，他笑言︰「平時好少對住屋企人講深情說話，感覺特別大。」Evelyn則表示︰「反差有啲大，平時都係新娘喊，估唔到我哋調番轉。」

 

愛讓一切都圓滿

 

懷有第三胎的Anjaylia挺孕肚到場祝賀好姊妹。

 

　　好姊妹Anjaylia追問Evelyn成為譚太的心情，Evelyn直言因太多事情要處理，故完全沒有緊張感覺；對於老公感性哽咽，她說︰「午餐時我哋對屋企人講咗一啲深情嘅說話，佢竟然喊，連佢好熟嘅朋友都話估唔到。其實我好少見佢喊，就算睇好傷感或煽情嘅電影，佢都好少喊，今日見到佢呢一面，重新認識佢。」Evelyn笑言大家都祝她連生貴子，但她的工作一直排到明年，所以不知道會否有時間生B。Anjaylia聞言，立即捉住Evelyn的手摸自己肚皮，又笑說︰「即刻過啲畀你，期待你除咗幕前工作，仲要攝時間不停生B。」果然姊妹情深。

 

一對新人在晚宴上玩得十分開心，Evelyn笑到見牙唔見眼。（IG圖片）

 

　　Evelyn昨日在社交網上載婚照，留言︰「我結婚了，很多話想說卻還沒整理好，只想向愛我們的所有人說一聲謝謝。有你們的愛，才讓我們覺得一切都圓滿。」Anjaylia亦留言︰「本來很想寫點甚麼，但一寫就又想哭…不寫了不寫了。你幸福就夠！愛你如初，從2008開始。」

 

轉載自: 晴報

• 

【你點睇？】皇馬巴塞傳奇表演賽爆簽名會風波，26人買涉$20萬套票僅見部份球星15分鐘，你認為事件哪方須負較大責任？► 立即投票