留日本旅行惹公憤 方力申「見好就收」

　　【晴報專訊】方力申（小方）、余德丞（Dickson）、強尼等昨日到銅鑼灣出席「祖雲達斯體驗」傳媒預覽日，小方上月完成東京奧運採訪後，與吳業坤留日旅遊。小方日前回港完成隔離，笑言自己「見好就收」，免得留日太長時間而惹起公憤。

對於採訪表現獲讚，小方謙虛表示只是做好本份。

　　方力申早前代表無綫到東京採訪奧運，工作結束後於當地逗留了十天才回港，小方笑指要見好就收︰「開頭啲人羨慕我去東京，但之後見我po食物相就開始嬲，加上當地疫情嚴峻，擔心返嚟隔離嘅日子會加長。（你今次採訪被讚，但拍檔先後被鬧？）我都係做好本份，本身係穩陣派，準備好晒問題；加上今次訪問要保持距離，可以跟住『貓紙』讀。」

　　提到「女飛魚」何詩蓓在東奧勇奪兩面銀牌，身為前港隊游泳代表的小方為對方感到驕傲，又笑言其泳會於暑假期間生意大增。至於有指舊愛鄧麗欣「大細超」，與他分手後零聯絡，但與邱勝翊（王子）仍有互動，小方表示︰「無回應，要講嘅之前都講咗，無嘢再補充。」

余德丞認足球比女友重要

Dickson珍藏不少足球商品，其中包括熱刺的全員簽名球衣。

　　另外，本身是足球發燒友的余德丞，昨日在活動中表現興奮，原來他當年是意甲球隊帕爾馬的粉絲，亦對同市的球隊祖雲達斯相當熟悉。問Dickson可曾帶女友入場觀賞球賽？他說︰「都試過，不過對方睇半場就瞓咗覺，我都費事嘈醒佢。對我嚟講，如果另一半唔鍾意睇波已經飛得！相反如果佢識足球，或者肯睇波就會加少少分，（足球定女朋友重要？）足球緊要啲！」

轉載自: 晴報

【與拍賣官看藝術】走進Sotheby's Maison睇睇蘇富比旗艦藝廊！蘇富比如何突破傳統成規？► 即睇