穿緊身裙No-No's：5個致腹脹食物

　　有時整天感到肚脹，確實很煩惱。出席重要約會，在愛人前穿起的緊身裙呈現小肚腩，唔好玩我啦！要防止腹氣，可以從食物入手。

　　大家都知豆類會引至腸氣，除此之外，有其他罪魁禍首嗎？

5種曳曳的致腹脹食物

　　1. 即食麵：即食麵含大量鹽分，令水份停留於體內，造成腹脹。鈉每天建議攝取量是2300毫克，但只吃一碗即食麵，就足以令你爆燈，想平腹都幾難！

　　2. 香口膠：應約要口腔清新，咀嚼香口膠是指定動作。可惜，大部分香口膠都含代糖，勢估不到這類可惡添加劑會令人凸肚皮！這些化學劑不能被小腸吸收，隨後進入大腸，再被腸道菌群發酵，最後產生大量氣體，結果變成尷尬場面！不同牌子用不同代糖，最容易令人腹脹的代糖，是糖醇，英文標籤會列出有「ol」結尾的成份，穿緊身裙之前可以避開含糖醇的香口膠。

　　3. 「腸氣蔬菜」：西蘭花、椰菜花、椰菜等是含有抗癌抗氧化劑的蔬菜。但同時含有一種澱粉質，名為蜜三糖。此物質難被消化，當走到大腸內，便釋放出甲烷氣。如果常吃這類蔬菜，反而不會釋出甲烷。但偶然進食，因小腸不習慣消化而引發肚脹了。所以不要逃避，相反開始時以少份量進食，然後逐步增加份量，再配合檸檬汁，便有助刺激消化酵素，減除氣體產生。

　　4. 運動飲品：做完運動或完成戶外工作後，短時間以運動飲品補充水份，有機會令你肚脹，真要多得飲品中的糖份！代糖不好，真糖也同樣差！和多糖分會使你腸道內的菌群突然增加，引致霉菌等，驅走了剩下的益生菌，因而釋放氣體，引致腹脹。一罐寶礦力，已經5茶匙多糖分；一樽葡萄適含7茶匙。其實最有效補充水份及電解質的方法，是飲水加食隻香蕉，或飲用純椰青水。

　　5. 牛奶：如果你每次飲用牛奶、奶茶、咖啡等，一小時內出現腸氣或肚瀉症狀，便可能患上乳糖不耐症。服用乳糖酶片，或飲用lactose-free牛奶便可解決問題。

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

【你點睇？】有學者倡60至65歲以下長者之2元乘車優惠，設每月補貼上限700元，你點睇？► 立即投票