睇完香港財政預算案，不如就睇下今日人大兩會有乜分享，博客其實都睇晒一大堆重點，發現提到「加快推動全面綠色轉型」，呢件事就有趣啦。

　　其中，國務院總理李強表示：「未來一年的工作部署包括加快推動全面綠色轉型，以碳達峰碳中和為牽引，協同推進降碳、減污、擴綠、增長增強綠色發展動能；要加強生態環境綜合治理，制定實施空氣質量持續改善行動計劃，加強重點行業污染地塊風險管控，強化新污染物治理等。」

　　博客記起內地最近一單新聞，就係垃圾發電站要「搶垃圾」去燒，因為內地最近技術更新疊代，以前「燒垃圾」會有二噁英排出，而家已經解決左呢個問題，發電站唔再排放呢類污染氣體，大家都搶住要垃圾去發電，甚至放係地底20年前嘅都要挖出來燒。

　　咁傳統能源股仲有無運行？一樣有，因為技術升級左，污染排放少左，變相能源嘅燃燒可以充分利用。假設以前一噸油可以生產10000萬度電咁計，而家可以生產12000度電，因為技術升級、排放有改善，傳統資源可以更加好被利用。

　　其實兩會一路都講緊「管控高耗能高排放項目，加快淘汰落後產能，強化再生資源循環利用」，即係話將後落技術同產能逐步淘汰，避免浪費能源，技術上完全做到。特別而家石油咁貴，中東又打到七彩，油價都唔知幾時會回落，傳統能源股仲可以入手，趁而家個市回一回，可以考慮！

《編者按》本欄搜羅即市傳聞，惟消息未經證實，《經濟通》亦不保證內容之準確性。

【你點睇？】美以空襲伊朗，最高領袖哈梅內伊身亡。你認為事件會否引發更大規模戰爭？油價及環球股市會否大幅波動？國際社會應介入調停？ ► 立即投票