唱《倒轉地球》翻紅上神枱 陶大宇致歉︰華仔唔會怪我嘅

　　【晴報專訊】近年經常在內地登台搵真銀的陶大宇，早前獻唱飲歌《倒轉地球》的片段在網上洗版，其「宇宙級唱腔」及「水撥式」台風更惹來網民爭相模仿。忽然爆紅的大宇，日前在廣州接受無綫《娛樂頭條》訪問，笑笑口向《倒轉地球》原唱者劉德華（華仔）謝罪︰「搞到你首歌咁樣。」果然飲水思源。

 

 

　　陶大宇在90年代憑《壹號皇庭》、《刑事偵緝檔案》等經典劇集，穩坐無綫一綫小生地位，更獲封「師奶殺手」；不過近年他將事業重心放在內地，頻頻北上登台賺人仔。上月，大宇在內地演唱《倒轉地球》、《愛你一萬年》的片段忽然在網上討論區洗版，其走音甩beat唱腔，配合誇張肢體動作，加上大宇不時狂『噓』搞氣氛，令他迅速在香港及內地網絡爆紅。有香港網民特別在FB為他成立關注組，至今已吸引逾15,000人加入，一班「陶寶（大宇粉絲）」更為偶像製作T恤及惡搞唱片封套，令大宇當下的人氣不遜於男團MIRROR。此外，有傳大宇現時在內地商演唱兩首歌，已叫價20萬元人民幣，兩年廣告代言費更高達100萬元人民幣，吸金力驚人。

 

上月25日大宇在廣州某酒吧登台，率領全場大合唱。（微博截圖）

大宇在鏡頭前大叫「噓」一聲兼示範水撥式揮手，果然玩得。(網上截圖)

 

　　前晚，無綫《娛樂頭條》播出獨家訪問大宇的片段，身在廣州的他獲不少市民集郵。大宇笑說︰「依家呢個現象令我好迷惘，究竟我仲應唔應該將歌唱得更加好呢？我重申，其實我唱歌唔係咁難聽。」他自嘲說若唱得好，便沒有今時今日的成就。提及其招牌水撥手勢，大宇直言︰「本身只係諗住同大家有互動感覺，打下招呼，揮下揮下幾過癮，唱出呢個效果。」

 

大宇在廣州街頭拍攝時細心睇鏡頭擺位，令內地網民尊稱他「陶老師」。(網上截圖)

 

解構「水撥式」台風

 

大宇到達拍攝現場時，盡見巨星排場。（微博截圖）

 

　　提到因翻唱《倒轉地球》的登台片段重拾人氣，大宇刻意向原唱者劉德華稱︰「華哥仔，真係唔好意思，搞到你首歌咁樣，你唔會怪我嘅。」另外，日前大宇接受港台節目《騷動音樂》訪問，對於近期被網民推舉成為「叱咤我最喜愛的男歌手」，他笑言︰「就係因為咁嘅成就，我更加要做聆聽者，我都係做番一個『我最喜愛聽音樂嘅人』比較好。點都好啦，我真係好多謝大家嘅，得啖笑啦，我哋一齊加油！」

 

轉載自: 晴報

• 

樂本健【年度感謝祭】維柏健及natural Factors全線2件7折► 了解詳情