炎夏著冬裝拍《十月初五》 羅天宇開工底褲全濕

　　【晴報專訊】台慶劇《十月初五的月光》前晚首播，胡鴻鈞、何依婷及羅天宇等為新劇造勢。劇中人人穿上冬裝示人，原來拍攝期由冬天橫跨到炎夏，三人異口同聲大呻夏天穿厚衫勁辛苦，天宇要帶定底褲替換，何依婷更拍到中暑。

（左起）羅天宇、何依婷及胡鴻鈞在劇中陷入三角苦戀。

　　胡鴻鈞、何依婷及羅天宇在《十月初五的月光》中大談純愛三角戀，不過他們坦言拍攝時非常辛苦，要捱更抵夜及忍受暴曬。天宇表示自己的戲服全是大褸厚衣，容易皮膚敏感的他在夏天開工時特別艱辛，更熱到底褲全濕：「我帶定一、兩條底褲喺車入面替換，但戲服就只可以晾乾後再著過。」何依婷聞言笑指幸好沒聞到臭汗味，又說：「我拍嗰陣有攝冰袋喺衫入面，半個鐘換一次。不過其中一日我都拍到熱衰竭，有少少中暑，要睇醫生同食藥。」

　　天宇自爆等埋位時行樓梯時差錯腳，拗柴扭傷右腳：「咁啱胡鴻鈞又整親同一邊腳，大家都有意外。」拍攝時受傷致腳骨裂的胡鴻鈞笑說：「好事嚟喎！我身體入面見紅嘛，代表收視長紅。」對於觀眾可能比較新舊版《十月初五》，胡鴻鈞輕鬆對待：「我非常期待，之前監製剪完片我都忍住唔睇。好嘢自然有人欣賞，唔需要刻意宣傳。」

莊思明楊明計劃結婚

莊思明全力支持男友楊明。

　　同場的莊思明在劇中扮演童年版初哥哥的母親，她坦言現實中也想快點做媽媽：「去朋友屋企見到BB好得意，都想有自己嘅BB。（計劃結婚？）朝住呢個方向，希望快啲有好消息。」她表示希望待楊明的官司結束後才談結婚。提到在楊明出庭當日，莊思明聞宣判後於庭上爆喊，她昨日否認說：「喺呢個場合，我盡量都唔會表露自己嘅心情。」她又指楊明最近趁大閘蟹季節狂食，結果胖了近20磅。

轉載自: 晴報

《說說心理話》身體唔舒服查唔到原因？周身痠痛疲累？可能係患有心身症！點解原生家庭會長時間影響一個人？點樣脫離循環？► 即睇