陀仔呻辛苦 吳若希拒封肚：想生3個

　　【晴報專訊】早前宣布陀第二胎的吳若希（Jinny），昨日到電台宣傳。她透露現時懷有14周身孕，由於妊娠反應嚴重，所以獲老公特別貼身照顧，她笑說︰「好難得可以勞役老公喇！」

吳若希昨日肚凸凸，她笑言陀仔後發現自己變蠢。

　　育有三歲女兒的吳若希，宣布今胎陀B仔，湊成「好」字。Jinny昨日到新城電台宣傳新碟《愛情無價》，透露懷孕初期嘔吐情況嚴重，她說︰「我日日由中午12點攬住個馬桶嘔，攬到去晚上11點幾，好痛苦，依家漸入佳境。」她表示今胎陀得比上次辛苦：「連續工作兩日已經好攰，唔想落床，行路行五分鐘就想死。」

　　談到陀「金笸籮」，Jinny大爆老公得悉她懷孕後，第一時間不是通知雙方父母，而是致電給陪月員︰「因為個陪月喺我生第一胎時照顧得我太好，令小朋友好快戒夜奶又易湊，所以老公第一時間打畀佢。」她笑言獲老公貼身照顧︰「陀仔反應慢啲，我不停點老公做嘢，好難得可以勞役佢。」

大女唔肯分享玩具

吳若希上載全家福，宣布將組成四口之家。

　　Jinny坦言沒有刻意追仔，她說︰「其實我想要女多啲，不過我哋屋企對BB性別無特別要求，又唔係有幾百億身家。（可以封肚？）無特別話封肚，如果屋企環境許可，又畀到好嘅生活環境，我希望生三個，但要多啲資金同心力，除非我哋移民或者身家暴脹，否則都唔會生第三個。」她透露大女知道將有弟弟後，卻希望有個妹妹︰「個女本身好鍾意BB，但知道係細佬後，就話唔可以分享裙仔同玩具。」

轉載自: 晴報

【你點睇】機場日前電腦系統故障，航班資料僅靠手寫白板，有旅客錯過航班感到失望，你認為機場處理手法是否妥當？► 立即投票