2022-07-14Text: Yan ChungPhoto: 由作者提供

榴槤控召集！馬來西亞樹上熟榴槤來襲！4個任食好去處：農莊90分鐘狂食即開老樹貓山王／榴槤山打卡／榴槤Brunch食神秘品種／自助餐勁正榴槤甜品

【榴槤放題】4.高性價比下午茶自助餐大吃8款精緻榴槤甜品！周末自助晚餐送榴槤拼盤—嘉里酒店大灣咖啡廳

　　如果對周末下午茶情有獨鐘，又是榴槤控的話，便要留意嘉里酒店大灣咖啡廳（Big Bay Cafe）首度推出的週末下午茶自助餐。每位$300，便可於105分鐘的下午茶自助餐時段當中，無限任食10款菜餚和8款甜品；輪流上場的美食有榴槤薄餅、脆炸D24榴槤球、D101港式榴槤西多士，另外還有泰式炒金邊粉、印尼炒飯、馬來西亞煎蠔餅、韓式石頭鍋、越南米紙卷和斑蘭葉炸雞等。

105分鐘的週末下午茶自助餐時段當中，可無限任食十款菜餚和八款甜品。

脆炸D24榴槤球外層脆身，咬開有爆漿流心的D24榴槤，令人無法抵抗。

多款充滿特色的菜餚還包括馬來西亞煎蠔餅，富有南洋街頭小吃風味。

　　而下午茶最大亮點為酒店行政糕餅總廚Jerome Husson與他團隊設計的8款榴槤甜品，巴斯克蛋糕、麻糬銅鑼燒、歌劇院蛋糕和拿破崙等，全部加入啖啖榴槤肉。而且，下午茶自助餐還包括無限暢飲椰子水和香茅檸檬特飲，可更全面感受南洋風情。

　　晚市自助餐呢？放心！今年載譽歸來。師傅向高難度挑戰，炮製出外脆內軟的炸榴槤鮮奶之外，於周未更推出限定的炭爐明火燒烤榴槤乞丐雞。而且，逢星期五至日晚市自助餐，餐廳為每位成人顧客免費送上榴槤拼盤一份，４款新鮮榴槤包括貓山王、紅肉D101、紅蝦及蘇丹王D24（每日款式因貨源供應有所調整）。除榴槤外，自助餐亦提供一系列東南亞美食，包括新加坡炒辣蟹、肉骨茶配油炸鬼、金不換辣椒炒青口、泰式香茅雞和巴東牛肉等。菜式香口惹味，與榴槤不相伯仲！