01/11/2018
UK Supermarkets：英國10間超級市場排行榜！最抵，原來係呢間！
上週介紹完《英國 5間必 bookmark 連鎖快餐店》，反應熱烈！今個星期，大晒冷，介紹 10間英國連鎖超級市場，以我昔日在英國留學、工作時的消費經驗，由最貴排到最平，話你知，它們各有咩特色！下次去英國，你就知去邊間，買咩手信最好！
10/ Luxury 組：Waitrose
當窮苦留學生時，我對 Waitrose 敬而遠之，因為貴。它是英國最早、最大的有機食材超市，打「優質」市場，甚至是英女皇和皇儲的御用超級市場！
不過，我最年長的朋友 — 80歲英國伯伯和他的妻子，生活劍橋多年，教路：「Waitrose 每天都有特價貨品，以保證肉類、蔬菜新鮮。如果你在特價時段（多數黃昏）惠顧，分分鐘發現價格比「大眾化組超市」更低、但更新鮮、更高質素的有機食材！」
新鮮、有機迷迭香盆栽，約 HKD$50 / 2盆，煮幾多、摘幾多、再重生，生生不息。
英國本土羊肋骨：約HKD$32/磅（左）；羊肩 2磅，HKD$100 有找。最適合留學生、Working Holiday 朋友，冬天慢煮熱辣辣羊腩煲，夠食幾餐！可見即使是 Luxury 組，也對得住荷包和味蕾！
我最年長的朋友 — 80歲英國伯伯和他的妻子教路，在特價時段惠顧，分分鐘有物超所值的意外收穫。
9/ Luxury 組：Marks & Spencer
這間由英殖時期，已經屹立香港的老牌英國百貨公司（1884年創辦），大家一定很熟悉了！雖然價格中上，但貨品高質素，物有所值！除了 OL 抽屜必備零食（Percy Pig 軟糖、朱古力棉花糖等），價格比香港便宜 10-20% 之外，還有過百款英國限定零食，實在是手信天堂。
Milk Chocolate Teacakes — 我在倫敦工作時，抽屜必備，邪惡而食唔停口的下午茶點，約 HKD$20 / 桶，有時甚至買一送一。
全英國 979 間分店，其中 615 間 M&S Simply Food 或 Food to go 專售零食、新鮮食材。甜品、蛋糕也尤其好味，無論旅行或長住，想和愛人、三五知己甜一甜，M & S 也是超值之選。
英國最大旗艦店，位於倫敦 Oxford Street, Marble Arch，佔地 170,000 呎。
《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。
【與拍賣官看藝術】走進Sotheby's Maison睇睇蘇富比旗艦藝廊！蘇富比如何突破傳統成規？► 即睇
