【今年減價更抵玩！】AIA歐陸嘉年華2016攤位遊戲「贏公仔」攻略

　　嘩嘩嘩，一年一度的AIA歐陸嘉年華返來了！最重要的是今年遊戲竟然大減價！大部分機動遊戲只需$30至$60，較去年的$40至$100抵玩，而且攤位遊戲都只是$20，減幅相當吸引，你又怎可以錯過呢！

　　現場有25個攤位遊戲，送出一百萬個毛公仔，咁多遊戲，花多眼亂，邊個攤位遊戲最易贏到公仔？邊個又係大伏？小編玩盡全場所有攤位遊戲，同你總結一下「攤位遊戲必勝攻略」啦！

「贏公仔」無難度系列：

1. 「小飛象及MARIE 瑪麗貓」奶桶挑戰

玩法：將球拋進牛奶樽內，四球機會，四球全中可得特大獎；三球可得大獎，兩球為中獎；只要入一球都可以拎到細獎，絕對無難度啦！

所需代幣：2個（4次機會）

難易度：★★★☆☆

公仔吸引度：★★★★★

Tips：因為距離很近，所以只要學似「打籃球」射籃般，就能輕易入樽，不過千萬記住要輕力投球！

2. 「Baymax醫神」投籃王

玩法：將籃球投進籃內，四球機會，四球全中可得特大獎；三球可得大獎，兩球為中獎；只要入一球都可以拎到細獎，同樣無難度啊！

所需代幣：2個（4次機會）

難易度：★☆☆☆☆

公仔吸引度：★★★☆☆

Tips：玩過籃球機的你一定非常熟練，入一球簡直是輕鬆！

3. 「巴斯胡迪」小木樽保齡球

玩法：利用木球，將所有保齡樽推倒即贏。四次機會，一次便能推倒所有保齡樽可得特大獎；兩次將保齡樽全倒，可得大獎；如此類推。

所需代幣：2（4次機會）

難度：★★☆☆☆

公仔吸引度：★★★☆☆（這攤位送出的毛毛同大眼仔，實在太可愛了！）

Tips：只要「出盡全力」將球推出去，就可以把保齡樽撞跌，輕鬆贏得巴斯胡迪公仔

下頁睇純粹「靠運氣」贏公仔攻略

《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

【與拍賣官看藝術】畢加索的市場潛能有多強？亞洲收藏家如何從新角度鑑賞？► 即睇